Kontent marketinq nə üçün lazımdır?

İndi hamı onlayndır. Hər brendin Facebook-da səhifəsi, ya da İnstagram-da hesabı var. Bu qədər səhifə arasında öz səsini müştəriyə necə durumaq olar? Bunun üçün brendlərin köməyinə kontent marketinq gəlir. Bu yazıda biz kontent marketinqin əhəmiyyəti və hədəf auditoriya ilə ünsiyyətdə istifadə qaydaları barədə danışacayıq.

kontent marketinq

Kontent marketinq nədir?

Kontent marketinq kontentin yaradılması və paylaşılması prosesidir. Kontent barədə yazımızda insanların marağına səbəb olacaq, bilmək və öyrənmək istədikləri informasiyanın kontent olduğunu qeyd etmişdik. Kontent marketinqin məqsədini də göstərmişdik: insanı, ondan tələb olunan məxsusi, brendə xeyir gətirəcək əməli atmağa vadar etmək. Bunun üçün ilk öncə kontent marketinq istifadəçinin diqqətini çəkməli, onu maraqlandırmalıdır. Bu maraq nəticəsində izləyicilər sizin kontentlə ünsiyyətə girir, sizin brendi daha yaxından tanıyır, məhsullarla tanış olur, onlarda sizin brendə qarşı etibar yaranır.

İnternet olmayan dövrdə TV, radio və mətbu reklamlarda brend ilə müştəri arasında iki tərəfli ünsiyyət mümkün deyildi. Bir istisna kimi, insanların krosvordları doldurub poçtla geri göndərmələrini saymıram. Reklam mesajı bir tərəfli şəkildə, brenddən müştəriyə ötürülürdü. Müştəri bunu istəsə də, istəməsə də. Amma indiki dövrdə insanlar nə ilə necə ünsiyyət quracağını özləri seçir: kimi Facebookda izləyir, kimi SMS almağı, kim də email almağı tərcih edir. Kontent marketinq sayəsində hazırda brendlər müştəriləri ilə daha çox ünsiyyət kanalına sahibdirlər.

Kontent marketinq izləyicini yaxından tanımaqdan başlayır. Sirr deyil ki, sosial şəbəkə insanı reallıqdakı insandan kəskin şəkildə fərqlənə bilər.  Bunun üçün izləyicini mümkün qədər yaxından tanımaq, onların hiss və duyğularını bilmək, planlarını və xəyallarını öyrənmək lazımdır. Bu məlumata sahib olduqdan sonra onlarla daha səmimi ünsiyyət qurmaq mümkün olacaqdır.

kontent marketinq

Kontent marketinq 3 əsas məqsədinə nail olanda uğurlu olur:

1. Auditoriyanın sual və sorğularının cavablandırılması

Sosial şəbəkələrin üstün cəhətlərindən biri auditoriya ilə birbaşa ünsiyyət kanalı rolunda çıxış etməsidir. Əgər əvvəl müştəri brend ilə zəng ya da məktub əlaqə saxlayıb, və ya servis mərkəzinə getməklə öz dərdini söylə bilirdisə, indi Facebook səhifəsinə yazmaqla, ya da messencerdə ismarıc göndərməklə bir çox problemini həll edə, maraqlandığı informasiyanı ala bilər.

2. Auditoriyaya faydalı məlumatın çatdırılması

Kontent izləyicilər üçün ilk növbədə faydalı olmalıdır. Viral xətrinə post paylaşmaqla brend heç nə qazanmayacaqdır. Əksinə aidiyyatsız kontent olsa brend imici zədələnə bilər. Faydalı məlumat həm izləyicilərin diqqətini çəkəcək, postla ünsiyyət (bəyənmə, şərh, paylaşım) yaradar, brendə qarşı müsbət imic və etibar əmələ gətirər..

3. Auditoriyanın marağının saxlanılması

Auditoriyanın marağının saxlanılması da vacib şərtdir. Bir izləyici sizin hər hansı bir faydalı postunuzu bəyənib paylaşa bilər. Amma daha yaxşı olar ki, sizin səhifənizi də izləməyə razı olsun. Bunun üçün kontent marketinq fəaliyyətiniz davamlı və əsaslı olmalıdır. Bir fakt deyim ki, ortalama Facebook izləyicisi cəmi 1 səhifə izləyir. Həmin o səhifə olmaq üçün siz, əlinizdən gələni edib onun marağını saxlamağa çalışmalısınız.

kontent marketinq

Sonda kontent marketinq strategiyasını hazırlayarkən rəhbər tutulacaq qızıl qaydaları bir də sayaq:

1. Auditoriyanızı öyrənməyə, araşdırmağa, tanımağa vaxt ayırın. Maraq və istəklərini öyrənin, arzu və ehtiyacları ilə tanış olun.

2. Müxtəlif cür kontenti, bu kontentin çatdırıma formatlarını, vaxtlarını və üsullarını sınaqdan keçirin

3. Müvafiq kontenti paylaşmaq üçün ideal vaxt, məkan və kanalları seçin

4. Düzgün auditoriya ilə ünsiyyət qurduğunuzdan əmin olun.

5. Auditoriya ilə öz dilində, daha təbii, daha səmimi danışmağa üstünlük verin.

6. Kontentinizi mümkün qədər unikal, maraqlı və əyləncəli edin. Oxumağa sövq edən başlıqlar, diqqət çəkən şəkillərdən istifadə edin.

Bu qaydaların əks olunacağı kontent marketinq strategiyası ilə siz, potensial hədəf auditoriyasını maksimallaşdıracaq və onlayn gücünüzü artıracaqsınız.

Paylaş: